إلا قلبك

إلا قلبك حلمي قاسم
كتب -

شعر – حلمي قاسم:

كُل القلوب بتخون

وتغير المضمـون

تعشق ساعات وساعات

عِشق الليالي يهون

إلا إنتى يا أمي

قلبك بطبعه حنون

قلبك يا أُمى براح

يساع جميع الكـون

بابُه بلا مفتاح

طيب وفى وبيصون

قلبك وطن إحساس

يا امايه قلبك نور

متربى ع الإخلاص

وبطبعه يا أمه صبــور

لا عُمره يوم اشتكى

ولا مَره بات زعلان

ولا قال تعبت وبكا

و لا غير العنوان

قلبك كبير وكبير

ف الوصف ماله زى

لو يصدق التعبير

قلبك لقلبى المي

قلبك لقلبى حياة

من غيرُه قلبى يموت

لو مره قلت الآه

بيرد نفس الصوت

مهما قَسيت وغويت

ما بشوفش غير طيبه

حتى لو اتجَنيت

يسامحنى ع العيبه

مين اللى قلبه كده؟!!

فـــ الـدنيا دى زيك

يا أمي يا طيبه

بتوضا من ضيك

لـو قُلت عاشقك أنا

العشق ما يكفــى

ولا كل عشق الدُنا

يا امايه هيوفى

إنتى أصول العشق

يا شجرة الإحساس

طرحك أمانه وصدق

و جذعك الإخلاص

أُمى يا أم الخير

من غير ما أقول وأعيد

قلبك لوحده غير

قلبك ملوهش نديد

الوسوم