أشم ريحة ترابك من ألف ميل

أشم ريحة ترابك من ألف ميل

خواطر لـ عبده السمطي

أشم ريحة ترابك من ألف ميل..

ولو مت شهيد على بابك ده يبقى حب وأكبر دليل..

يا عايشة ف دمي وعيون

ي يا كل دنيتي وكوني

لو أشم ريحة ترابك أرجع للدنيا تاني

لو للقبلة وجهوني..

يا بلدي يا ضحكة أيامي

يا عايشة ف قلبي وأحلامي

مشتاق أشم ريحة هواكي

مشتاق أضم أحبابي وياكي

مشتاق لقعدة أصحابي على القهوة

نضحك ونتذكر أيام صبانا في حناياكي..

مشتاق لريحة المية والقعدة وسط الزراعية

وأنام في حضن الهوا والخضرة تحت النخلة ساعة الضهرية..

بحبك حب رباني

نابع من قلبي وكياني

ومهما الأيام تبعدني

مكانك في قلبي وعينيا..

الوسوم